اجلاس نہ چلے تب بھی ہفتے میں ایک بار ایم ایل اے سے ملنا ہوگا وزراءکو، بی جے پی کی ہدایت

اجلاس چلے یا نہ چلے، ریاستی وزراءکو ہفتے میں ایک بار ایم ایل اے (ارکان قانون ساز اسمبلی) سے ملنا ہوگا۔ ایم ایل اے کو اپنے علاقوں کے مسائل سننے ہوں گے۔ اور انہیں فوری طور پر حل کرنا ہوگا۔ شہریوں کے مفاد میں ترقیاتی کاموں میں کوئی سستی نہیں۔ لہذا بی جے پی پارٹی کی طرف سے وزراءکو ہدایت جاری کی گئی ہے کہ وہ ہفتے میں ایک دن ایم ایل اے کی باتیں سننے کے لیے وقت نکالیں۔ شہریوں کے مسائل، علاقے کے لوگوں کی خدمت سے متعلق امور سنے جائیں۔ اور اسی کے مطابق اب وزراءہفتے میں اسمبلی میں ایک دن وقت دیں گے۔ ہفتے کے کس دن کس محکمے کے وزراءاسمبلی میں بیٹھ کر ایم ایل اے کی باتیں سنیں گے، اس بارے میں وزراءکو جلد اطلاع دینے کو کہا گیا ہے۔ اس سلسلے میں سرکاری چیف وہپ املان بھادڑی نے بتایا کہ اب سے وزراءہفتے کے ایک مخصوص دن ایم ایل اے سے بات کریں گے۔
اسمبلی کے پچھلے اجلاس کے آخری دن وزیر اعلیٰ شوبھیندو ادھیکاری نے کہا تھا کہ اسمبلی میں وزراء کے کمرے صرف نام کی تختی لگانے کے لیے نہیں ہیں۔ اس کمرے میں بیٹھ کر ایم ایل اے سے مل کر ان کے علاقے کے مسائل سن کر اقدامات کرنے چاہئیں۔ وزیر اعلیٰ کے اس پیغام کے بعد ہی پارٹی کی طرف سے ریاستی وزراءکو ‘ایم ایل اے میٹ’ شروع کرنے کی ہدایت بھیجی گئی۔ صرف یہی نہیں، شہری خدمات اور علاقے کے مسائل کے بارے میں ایم ایل اے کے مختلف محکموں سے جو بھی سوالات ہوں گے، ان تمام سوالات کے جوابات متعلقہ محکمے کے وزیر کو تحریری طور پر ایم ایل اے کو فراہم کرنے ہوں گے۔