ہفتے میں دو دن مڈ ڈے میل میں انڈے دے گا اسکول، تعلیم محکمہ نے قواعد و ضوابط طے کر دیے

اسکول میں مڈ-ڈے میل میں بچوں کو انڈے کھلانے کی ذمہ داری ابھی اسکول انتظامیہ کی ہی ہے۔ وہی ہفتے میں دو دن انڈے فراہم کریں گے۔ جمعرات کو کولکاتہ کے تعلیم بھون میں منعقد ایک اجلاس میں یہ پیغام دیا گیا۔ بنیادی طور پر جن اسکولوں کو اسکون مڈ-ڈے میل فراہم کرتا ہے، ان کے نمائندوں کو اجلاس میں بلایا گیا تھا۔ ذرائع کے مطابق، اجلاس میں بتایا گیا کہ ہفتے میں دو دن انڈوں کے لیے فی طالب علم 16 روپے (فی انڈا 8 روپے) مختص کیے گئے ہیں۔ یہ خرچہ ابھی کمپوزٹ گرانٹ سے پورا کرنا ہوگا۔ بعد میں حکومت کو بل جمع کر کے وہ رقم وصول کی جا سکتی ہے۔
تعلیم محکمے کی تجویز ہے کہ اسکولی بچوں کو انڈے فراہم کرنے کے متبادل کے طور پر کسی رضاکار تنظیم سے ابلے ہوئے انڈے خریدے جا سکتے ہیں۔ تاہم 8 روپے میں انڈا ابالنے اور فراہم کرنے کے اخراجات پورے کرنا مشکل ہے۔ اس صورت میں کسی رضاکار تنظیم کے لیے اس رقم پر راضی ہونا مشکل ہے۔ اس پر کچھ اسکول انتظامیہ پریشان ہیں۔ اس صورت میں نادیہ کے ہرن گھاٹا فارم سے انڈے خریدنے پر بھی غور جاری ہے۔
معلوم ہو رہا ہے کہ جن اسکولوں میں طلباءکی تعداد کچھ کم ہے، ان اسکولوں کو انڈے ابالنے کے لیے الیکٹرک ہیٹر دیے جا سکتے ہیں۔ اس صورت میں 50 طلباء پر ایک اور 500 کے لیے 6 باورچی اور معاونین کی تعیناتی کا حکم دیا گیا ہے۔ واضح رہے کہ کولکاتہ اور اس سے ملحقہ علاقوں کے اسکولوں میں مڈ ڈے میل فراہم کرنے کی ذمہ داری اسکون کے انامرت فاو¿نڈیشن کو دی گئی ہے۔ اس میں مڈ ڈے میل سے ‘غیر سبزی’ انڈے خارج ہو سکتے ہیں، اس خدشے کا اظہار کرتے ہوئے شدید تنازعہ شروع ہو گیا تھا۔ بعد میں ریاستی حکومت نے واضح کیا کہ طلباءکو مڈ ڈے میل میں ہفتے میں دو دن انڈے ملیں گے۔ ممکنہ طور پر ابلے ہوئے انڈے انہیں دیے جائیں گے۔ اور ان انڈوں کی ذمہ داری اسکولوں کو ہی لینی ہوگی۔