سی آئی ڈی کے بعد اب ای ڈی نے بھی ابھیشک بنرجی کو بلا لیا

سالٹ لیک کے سی جی او کمپلیکس میں پیش ہوئے ابھیشیک بندوپادھیائے۔ پیر کو پرائمری میں بھرتی بدعنوانی مقدمہ میں انہیں ای ڈی نے طلب کیا تھا۔ صبح 11 بجے بلایا گیا تھا۔ وقت سے کچھ پہلے ہی ابھیشیک ای ڈی دفتر پہنچ گئے۔ داخل ہوتے وقت انہوں نے اس معاملے پر کوئی تبصرہ نہیں کرنا چاہا۔
ابھیشیک کی پیشی کے سلسلے میں سی جی او کمپلیکس میں پیر کو کوئی اضافی سیکیورٹی نہیں ہے۔ نہ کوئی پولیس اور نہ ہی مرکزی فورس تعینات کی گئی ہے وہاں۔ کوئی اضافی انتظام نہیں کیا گیا۔ ماضی میں ابھیشیک جب سی جی او کمپلیکس آتے تھے تو پورے احاطے میں اضافی چوکسی ہوتی تھی۔ دفتر کے اندر صحافیوں کو داخل ہونے کی بھی اجازت نہیں ہوتی تھی۔ آمدورفت کو کنٹرول کیا جاتا تھا۔ پیر کو ایسی کوئی سرگرمی نظر نہیں آئی۔
اتوار کو بھوانی بھون کے سی آئی ڈی دفتر میں پیش ہوئے تھے ابھیشیک۔ اسمبلی میں دستخط جعل سازی کے معاملے میں ساڑھے آٹھ گھنٹے وہاں ان سے پوچھ گچھ کی گئی۔ بیلے گھاٹہ کے ترنمول رکنِ قانون ساز اسمبلی کنال گھوش کو بھی سی آئی ڈی نے بلایا تھا۔ ذرائع کا دعویٰ ہے کہ دونوں کو آمنے سامنے بٹھا کر پوچھ گچھ کی گئی۔ وہاں سے نکل کر ممتا بندوپادھیائے کے گھر چلے گئے ابھیشیک۔ اس کے بعد پیر کی صبح وہ ای ڈی دفتر گئے۔ منگل کو بھی ابھیشیک کو سی آئی ڈی نے طلب کیا ہے۔ ایک تبصرے کے سلسلے میں سولٹ لیک میں درج ہونے والی شکایت کی بنیاد پر ابھیشیک سے بدھ کو دوبارہ پوچھ گچھ کرنا چاہتی ہے ریاستی پولیس کی انٹیلی جنس ایجنسی۔ اسمبلی میں دستخط کے معاملے میں ابھیشیک سے تفتیش میں تعاون کرنے کی ہدایت دی تھی کلکتہ ہائی کورٹ نے۔ ساتھ ہی جج نے کہا تھا کہ اگلے دو ہفتوں تک ان کے خلاف کوئی سخت کارروائی نہیں کر سکے گی تفتیشی ایجنسی۔ تاہم پرائمری مقدمہ اور سولٹ لیک کے اس مقدمہ میں ابھیشیک کو کوئی حفاظتی ڈھال حاصل نہیں ہے۔
پرائمری میں بھرتی بدعنوانی کی تفتیش طویل عرصے سے کر رہی ہے ای ڈی۔ اس سے قبل سی بی آئی کی تفتیش میں جو آڈیو سامنے آئی تھی، اس میں ایک شخص ابھیشیک بندوپادھیائے کا نام تھا۔ نوکریاں بیچ کر وہ رقم ابھیشیک کو بھیجنے کی بات سنی گئی تھی اس آڈیو میں۔ چارج شیٹ میں بھی اس کا ذکر کیا ہے سی بی آئی نے۔ اس آڈیو کے تناظر میں ’کالی گھاٹ کے کاکو‘ سوجے کرشن بھدر کی آواز کے نمونے بھی جانچے گئے تھے۔ سی بی آئی کی چارج شیٹ میں اس آڈیو کو تفتیش میں لانا چاہتی ہے ای ڈی۔ اس کے علاوہ، ابھیشیک کی تنظیم ’لیپس اینڈ باو¿نڈس‘ کے مالی لین دین ای ڈی کی نظر میں تھا۔ اس سلسلے میں بھی پوچھ گچھ کی جا سکتی ہے ڈائمنڈ ہاربر کے رکنِ پارلیمان سے۔ اس بارے میں اس سے قبل بھی ای ڈی نے ابھیشیک سے پوچھ گچھ کی ہے۔