ٓالیکشن کمیشن کی وجہ سے پہلے مرحلے میںریکارڈ ووٹنگ ہوئی ہے: منوج اگروال

مغربی بنگال کے چیف الیکٹورل آفیسر (CEO) منوج اگروال نے پہلے مرحلے کے انتخابات میں ریکارڈ 90 فیصد سے زیادہ ووٹنگ کی وجوہات پر روشنی ڈالی ہے۔ انہوں نے اس تاریخی ٹرن آو¿ٹ کا سہرا کمیشن کے اقدامات اور عوام کے اعتماد کو دیا۔
سی ای او نے بتایا کہ انتخابات سے قبل کیے گئے SIR عمل کی وجہ سے ووٹر لسٹ سے مرنے والے اور دوسری جگہ منتقل ہونے والے افراد کے نام نکال دیے گئے تھے۔ جب فہرست ‘کلین’ (صاف) ہوتی ہے، تو ووٹنگ کا تناسب خود بخود بڑھ جاتا ہے۔انہوں نے مثال دی کہ آسام سمیت جن ریاستوں میں حال ہی میں انتخابات ہوئے ہیں، وہاں بھی ووٹنگ کی شرح میں اضافہ دیکھا گیا ہے۔ بنگال میں روایتی طور پر ووٹنگ زیادہ ہوتی ہے، اور اس بار بھی یہی رجحان برقرار رہا۔منوج اگروال کے مطابق، ووٹرز نے کسی بھی خوف کے بغیر اپنے حقِ رائے دہی کا استعمال کیا، جو کہ ایک خوش آئند بات ہے۔جب سی ای او سے کولکتہ میں ووٹنگ کی کم شرح کے بارے میں پوچھا گیا، تو انہوں نے کہا، "ہم سب سے ووٹ ڈالنے کی اپیل کر سکتے ہیں۔ ہم چاہتے ہیں کہ کولکتہ کے شہری بھی بڑی تعداد میں باہر نکلیں اور اپنے حق کا استعمال کریں۔”سی ای او نے چند معمولی واقعات کے علاوہ پہلے مرحلے کے پرامن انعقاد پر اطمینان کا اظہار کیا۔ انہوں نے تمام سیاسی جماعتوں کا شکریہ ادا کیا کہ انہوں نے انتخابی عمل کو پرامن رکھنے میں تعاون کیا۔ انہیں امید ہے کہ دوسرے مرحلے میں بھی ووٹنگ کی شرح اسی طرح بلند رہے گی۔